Filipino Author. Traveller. Dreamer.

Hello Bookworms!

Sunday, 31 January 2016

Unang Weird Show


Ilang linggo na ang nakakaraan mula nang mapanalunan ko ang libreng dalawang gabi na pag-stay sa isang hotel sa Bangkok, ang Banyan Tree. Sa totoo lang ay nahatak lang ako ng katrabaho ko na si Ming, ang sabi niya, marami daw akong matututunan sa roadshow na ito. Sa bandang huli ng event na iyon ay nagkaroon ng pa-raffle kung saan nadampot ang name card ko. Kilala ang brand na ito sa mundo, lalong lalo na sa Asya dahil sa mala spa-themed ng lahat ng hotel nila. Hindi pa ako nakakatungtong ng Thailand kaya naman ay nagdiwang ako sa napanalunan ko, kaya lang, hindi pupuwedeng sumama sa akin si hubby dahil wala na siyang leave. Inimbitahan ko na lang ang dalawa kong kaibigan na sina ate Doris at ate Carla, sa tingin ko kasi ay mas "less-stress" kapag kaibigan mo ang kasama mo sa pagta-travel. Wala akong dapat sawayin at sarili ko lang ang aasikasuhin ko. Tamang tama, buwan ng Oktubre, buwan ng kaarawan ko. Ito ang aking magiging birthday trip. Ayos 'to!
Nag-book kami ng ticket gamit ang Emirates airline, isang sosyaling eroplano pero nakuha namin ng mura dahil sa promo. Dalawang gabi lang ang napanalunan ko kung kaya ay binayaran namin ang pangatlong gabi, para sulit na sulit ang mahabang weekend. Nang makasakay kami sa eroplano ay una kaming binigyan ng mainit na tuwalya para ipamunas sa aming mga kamay, kasunod nito ang pag-abot sa amin ng pagkain at syempre, champagne! "Cheers!" Itinaas namin ang baso at saka nag-selfie bago ininom ang laman nito. May pagkakalog sina ate Carla at ate Doris kaya madali lang sila pakisamahan. Kikay din sila katulad ko. Siguro, kung ilalarawan ko ang sarili ko gamit ang isang salita, ito ay "easygoing", siguro dahil kikay man ako, ako yung tipo ng tao na puwede mong pakainin kahit saan. Nung panahon na ito ay hindi pa uso sa akin ang magreklamo. I was an easygoing person. Eto ang una naming trip na magkasama, lingid sa aking kaalaman ay hindi rin ito ang magiging huli dahil masusundan pa pala ito ng maraming paglalakbay sa hinaharap. 
Hatinggabi na nang makarating kami sa Bangkok. Sinundo kami ng isang sasakyan na siyang nai-book ko nung isang linggo pa. Pagdating namin sa hotel ay nagcheck-in na kami agad. Sa kwarto naman ay agad kaming nag-shower at saka natulog, magiging mahaba ang araw namin bukas. Nung sumunod na araw ay binisita namin ang mga popular na lugar sa Bangkok. Maganda ang Bangkok, moderno ang siyudad at mukhang okay ang mga tao. Sumakay kami ng local ferry at nakita ang mga sikat na templo. Malaking porsyento ng mga taong nakatira dito ay may relihiyong Buddhist, kaya nagkalat ang mga templo kung saan makikita mo ang estatwa ng Buddha, yung iba ay gawa sa ginto. May naging istorya pa nga ang naging guide namin dito sa Bangkok, ang bansang Thailand daw ay hindi nasakop ng kahit na anong bansa dahil maayos na negosasyon daw ang ginawa ng hari nila. Para hindi sila sakupin ng mga dayuhan, ang hari daw ay nagbigay ng ginto, kaya dumating ang panahon na naubos ang ginto sa kanilang bansa. At least naman daw ay hindi naging alipin ang kanilang bansa, hindi ito nasakop katulad ng mga karatig bansa. Pinapatunay nito na noong unang panahon ay may maayos na sistema ang Thailand. 
Nang gabing iyon ay nagdesisyon kaming kumain sa rooftop restaurant ng Banyan Tree. Hindi na kami nag-ayos, basta shorts at tsinelas lang ay gora na. Sa kasamaang palad ay hindi kami pinapasok, bawal daw ang naka-tsinelas lang. Kailangan daw smart casual. Litsi. Tinamad na kaming bumalik sa kwarto para magbihis pa ulit, kaya doon kami sa plan b. Plan B. :)  
Nagbasa basa pa kami ng tripadvisor bago kami pumunta dito, at isa sa mga bukambibig sa website na ito ay ang mga bars kung saan nagkalat ang mga babae at lalake na nagdadamit na babae. Marami sa lalake na nagdadamit bilang isang babae ay mas sexy pa, yung iba ay kalahati lang ng katawan ko, kaya naman nahiya ako sa kanila teh. Payat pa ako nung panahon na ito, pero mas sexy pa yung bakla sa akin. I felt ashamed. Pero nawili naman talaga ako ng sobra. Nang gabing iyon ay naglakad lakad kami habang kumakain ng street food. Yung ibang binabae ay sumasabit sa kung saan may pagsasabitan, lumalambitin sa pole at umiikot-ikot pa. May magi-split sa harap mo tapos kikindat. Parang circus. Nakatakip lang ang bandang dede at puke, tapos mataas ang mga suot na boots. Wala akong masabi. Totoo nga ang mga narinig ko. Available na available ang babae dito sa Bangkok, kaya naman ay puntahan ito ng mga foreigner. Makukulay ang mga ilaw sa kalsadang iyon, para kang nasa wonderland. 
Nang makarating kami sa dulo ay medyo nadismaya na kami. Iyon na pala 'yon. Uuwi na ba kami? Bago pa kami nagdesisyon ay may lumapit sa aming lalake na may dalang flyers. "You want to see a show, you want to see a show?" paulit ulit niyang tanong. Nagkatinginan kaming tatlo at saka tumango. 
"Birthday ko naman eh."
"Oo nga, birthday mo naman."
"Birthday mo naman, Cin."
Hindi ako gaanong sigurado sa mangyayari, pero ano ba, birthday ko naman. Sinundan namin ang lalake at tumungo kami sa isang madilim na bahagi ng kalsadang iyon. "It's USD 30, comes with drinks, okay?" aniya. "Remember, no picture picture, no camera, okay?"
"Okay." Para kaming mga bata na sumunod lang sa kung anong sabihin niya. Nagbayad na kami ng pang-entrance, pagkatapos ay umakyat kami sa hagdanan patungo sa taas, kung saan rinig na rinig ko ang malakas na tugtugan. Kinakabahan ako na nae-excite. Makakakita kaya ako ng machong lalake dito? 
Pagpasok naming tatlo ay halos bakante ang buong bar, may isang mag-jowaers ang nakaupo sa may bandang harapan. Ang entablado naman ay bakante pa rin. Ahh, hindi pa nagsisimula ang show. Umupo kami sa bandang gilid malapit sa entablado. Meron ding pole sa gitna kaya siguro 'yan, may dirty dancing. Maya maya lang ay tinanong na kung ano ang order namin, nag-order kaming tatlo ng malamig na beer. Ilang sandali pa ang lumipas ay may pumasok na tatlong lalakeng foreigner na naghahagikhikan. Ayan, dumadami na ang audience, baka puwede nang magsimula ang show na ito. 
Unang lumabas ang isang babaeng kasingtangkad ko lang ata, pero sexy na sexy ang pangangatawan, tapos maikli ang buhok. Naka itim na bra at naka pekpek shorts, pansin ko rin na naka paa lang siya. Ano kaya ang gagawin ni ateng? Nagsasayaw sayaw siya may harapan nang malamya, parang kulang sa vitamins. Nang lumakas lalo ang tugtugin ay mukhang nagkaroon na siya ng gana. Nagsimula siyang hablutin ang pole at doon nagpaikot ikot. Wala pang masyadong espesyal dahil nakita na namin ang ganito kanina. Tahimik lang kami sa mga upuan namin, naghihintay ng susunod na mangyayari. Dumating na ang beer namin, kaya nag-cheers kami ulit. Umagos ang likido ng beer sa aming mga lalamunan. Ang sarap, refreshing! 
Walang anu-ano'y biglang naghubad si ateng ng shorts. Isinama na rin niya ang kanyang panty. OMG. Pinakita niya ang isang saging at saka ito binalatan, pagkatapos ay humiga siya sa entablado at bumukaka sa harap ng kisame. Ipinasok niya ang hubad na saging sa kanyang ano at gamit ang kanyang ari ay hinagis niya ang saging sa hangin. Hindi namin alam ang tamang reaksyon kaya ginaya na lang namin ang ginawa ng ibang foreigner, pumalakpak na rin kami. Ilang beses niya pa ito inulit bago siya nagsawa. Sumunod niyang ginawa ay kumuha ng maliit na bola, at gamit uli ang kanyang ari ay nai-shoot niya ito sa isang basket. Hindi ko alam na may kakayahan pala ang aming puke na gumawa ng ganito. Unbelievable. Muli, ilang beses niya ito inulit saka kami nagpalakpakan. 
Sa wakas ay tumayo na siya at nagsuot ng panty at pekpek shorts. Sumayaw uli siya ng malamya, saka lumabas naman ang isa pang babae. Nag sexy dance na muna siya, humawak sa pole, at nagpaikot ikot, pilit na inaabot ang itaas, pero dudulas naman ang kanyang katawan paibaba. Mahaba ang kanyang buhok at tulad ng naunang pumasok ay tanging ang dede at ari lamang ang nakatakip sa kanyang katawan. Katulad din ng naunang babae ay naghubad siya ng shorts at panty. Sa pagkakataong ito ay ginamit naman niya ang kanyang ari sa pag-magic. May ipapasok siya pagkatapos ay may ilalabas. 
Hindi ko na masikmura. 
Maya maya lang ay lumapit sa amin tatlo ang unang babae at nagtanong kung gusto pa namin ng isang beer. Mapilit siya, mukhang may commission sila kung bibili pa kami ng inumin. Sabi ni ate Carla, "It's her birthday!" 
"What's her name?" tanong ng babae.
"My name is Cindy."
"What?"
"Cindy." Nilakasan ko na. Tumabi siya sa akin at tinanong ako kung gusto ko pa raw ba ng beer tapos i-treat ko daw siya. "No, I had enough. Maybe you can have a drink and I'll pay for it."
"Really? You buy me a drink?"
"Sure, it's my birthday so let me buy you one." Para siyang bata na sumaya, humingi siya sa waiter ng beer at saka ko naman binigay agad ang bayad. Nakaka-stress. Napapasubo ako dito ah. Baka akalain pa nito, lesbiana ako. Nag ngingitian na lang kami, pero sa isip isip ko, anong oras kaya ito matatapos? Yung babae sa entablado inimbitahan yung isang lalakeng foreigner na i-catch daw ang bola na lalabas sa puke niya. Ginawa naman ito ng lalakeng foreigner, ayun, ligalig na ligalig. 
Sa wakas at natapos din ang gabing iyon. Hindi na namin tinapos ang show, sapat na ang ilang stunts na nakita namin. "Nag-enjoy ba kayo?" tanong ko kina ate Carla at ate Doris.
"Parang ewan naman yung show, parang hindi ko na kaya panoorin," sabi ni ate Carla. 
"Oo nga, di ko alam kung paano nila 'yon nagagawa sa katawan nila," sabi naman ni ate Doris. 
"Basta, one show is enough. Tama na, ayoko na. Nakakaloka!" tugon ko. Nang gabing iyon ay nakakita kami ng isang Indian restaurant. Ikinain na lang namin ang frustration na naramdaman namin. Pilit naming binura ang alaala ng show na iyon. 
“Ang Unang Halik” ay isang kolesyon ng mga memwa ng paglalakbay ni Cindy Dela Cruz https://www.wattpad.com/myworks/59219673-unang-halik

1 comment:

  1. Dear, I like your blog very much, I can get many useful information. Hope that we can communicate with each other. By the way, have you ever used partition for windows server ? Unfortunately I lost my partition. I do not know how to do.

    ReplyDelete

About Me

My photo

I love traveling and being immersed with different cultures. It has cultivated my love for learning and has exposed me to different perspectives. I'm a travel specialist during the day, while writing has always been my first love (considering my love of books, of course). I am an editor of Lapis sa Kalye (Hindi ito ang normal mong nababasa)**a Facebook page which promotes Philippine Literature, one of the writers of the published book - **PENDULUM. I was also the Editor in Chief of our online magazine which published free literary works. I also post my works in Wattpad reaching more than 70k reads.

And when I need a real breather, I take pictures and edit them. I'm still developing my style in this area, I don't usually follow Photography rules, I just try to have fun along the way.

Blog Archive

Adventure Time - Lady Rainicorn